CANONS OF THE COUNCIL OF ELVIRA (first decade of 4th century) - Page 4 of 4

Subscription Version of Text
With translation,
more background info & notes

Info about Subscription Site

$5 for trial, $30 a year for individuals ($15 students).

Printable Version of Text
plus translation and notes

("Creeds and Councils" Section)

The Latin text is that found in A.W.W. Dale, The Synod of Elvira and Christian Life in the Fourth Century (Macmillan, 1882)

An English translation of this text, placed alongside the Latin text, can be found on the subscription version of the site.

Click here for information about: 1) the public domain texts used on this site;  2) more recent scholarly work on the original language texts.

 

(Click on Latin words to link to the Perseus Morphology.  If there are problems with the Perseus website click here for a version of the page with a locally based morphology* and lexicon.)


                                       
« Previous part of text - Canons 41-60 

 Canon 61 

       

XXI. De his qui tardius ad ecclesiam accedunt.

 

Si quis post obitum uxoris suae sororem eius duxerit, et ipsa fuerit fidelis, quinquennium a communione placuit abstineri, nisi forte velocius dari pacem necessitas coegerit infirmitatis.

An English translation is here on the subscription version of the site.

                                                  

------------------------------------------------------

 

 Canon 62

       

LXII. De aurigis et pantomimis si convertantur.

 

Si auriga aut pantomimus credere voluerint, placuit, ut prius artibus suis renuntient et tunc demum suscipiantur, ita ut ulterius ad ea non revertantur: qui si facere contra interdictum tentaverint, proiciantur ab ecclesia.

 

 

------------------------------------------------------

 

 Canon 63 

     

LXIII. De uxoribus quae filios ex adulterio necant.

 

Si qua per adulterium absente marito suo conceperit, idque post facinus occiderit, placuit nec in finem dandam esse communionem eo quod geminaverit scelus.

 

 

------------------------------------------------------

 

 Canon 64 

     

LXIV. De feminis quae usque ad mortem cum alienis viris adulterant.

 

Si qua usque in finem mortis suae cum alieno viro fuerit moechata, placuit nec in finem dandam ei esse communionem: si vero eum reliquerit, post decem annos accipiat communionem acta legitima poenitentia.

An English translation is here on the subscription version of the site.

 

------------------------------------------------------

 

 Canon 65 

    

LXV. De adulteris uxoribus clericorum.

 

Si cuius clerici uxor fuerit moechata et scierit eam maritus suus moechari et non eam statim proiecerit, nec in finem accipiat communionem, ne ab his qui exemplum bonae conversationis esse debent, ab eis videantur scelerum magisteria procedere.

 

 

------------------------------------------------------

 

 Canon 66 

       

LXVI. De his qui privignas suas ducunt.

 

Si quis privignam suam duxerit uxorem, eo quod sit incestus, placuit nec in finem dandam esse communionem.

 

 

------------------------------------------------------

 

 Canon 67 

     

LXVII. De coniugio catechumenae feminae.

 

Prohibendum ne qua fidelis vel catechumena aut comatos aut viros cinerarios habeant: quaecumque hoc fecerint, a communione arceantur.

 

 

------------------------------------------------------

 

 Canon 68 

    

LXVIII. De catechumena adultera quae filium necat.

 

Catechumena si per adulterium conceperit et praefocaverit, placuit eam in fine baptizari.

An English translation is here on the subscription version of the site.

 

------------------------------------------------------

 

 Canon 69 

     

LXIX. De viris coniugatis postea in adulterium lapsis.

 

Si quis forte habens uxorem semel fuerit lapsus, placuit eum quinquennium agere debere poenitentiam et sic reconciliari, nisi necessitas infirmitatis coegerit ante tempus dari communionem: hoc et circa feminas observandum.

 

 

------------------------------------------------------

 

 Canon 70

     

LXX. De feminis quae consciis maritis adulterant.

 

Si cum conscientia mariti uxor fuerit moechata, placuit nec in finem dandam ei esse communionem: si vero eam reliquerit, post decem annos accipiat communionem, si eam quum sciret adulteram aliquo tempore in domo sua retinuit.

 

 

 

 Canon 71 

       

LXXI. De stupratoribus puerorum.

 

Stupratoribus puerorum nec in finem dandam esse communionem.

An English translation is here on the subscription version of the site.

                                                  

------------------------------------------------------

 

 Canon 72

      

LXXII. De viduis moechis si eumdem postea maritum duxerint.

 

Si qua vidua fuerit moechata et eumdem postea habuerit maritum, post quinquennii tempus acta legitima poenitentia placuit eam communioni reconciliari: si alium duxerit relicto illo, nec in finem accipiat communionem; vel si fuerit ille fidelis quem accepit, communionem non accipiet, nisi post decem annos acta legitima poenitentia, vel si infirmitas coegerit velocius dari communionem.

 

 

------------------------------------------------------

 

 Canon 73 

      

LXIII. De delatoribus.

 

Delator si quis exstiterit fidelis, et per delationem eius aliquis fuerit proscriptus vel interfectus, placuit eum nec in finem accipere communionem; si levior causa fuerit, intra quinquennium accipere poterit communionem: si catechumenus fuerit, post quinquennii tempora admittetur ad baptismum.

 

 

------------------------------------------------------

 

 Canon 74 

     

LXXIV. De falsis testibus.

 

Falsus testis prout est crimen abstinebitur: si tamen non fuerit mortale quod obiecit et probaverit, quod non tacuerit, biennii tempore abstinebitur; si autem non probaverit convento clero, placuit per quinquennium abstineri.

An English translation is here on the subscription version of the site.

 

------------------------------------------------------

 

 Canon 75 

      

LXXV. De his qui sacerdotes vel ministros accusant nec probant.

 

Si quis autem episcopum vel presbyterum vel diaconum falsis criminibus appetierit et probare non potuerit, nec in finem dandam ei esse communionem.

 

 

------------------------------------------------------

 

 Canon 76 

     

LXXVI. De diaconibus si ante honorem peccasse probantur.

 

Si quis diaconum se permiserit ordinari et postea fuerit detectus in crimine mortis, quod aliquando commiserit, si sponte fuerit confessus, placuit eum acta legitima poenitentia post triennium accipere communionem: quod si alius eum detexerit, post quinquennium acta poenitentia accipere communionem laicam debere.

 

 

------------------------------------------------------

 

 Canon 77 

      

LXXVII. De baptizatis qui nondum confirmati moriuntur.

 

Si quis diaconus regens plebem sine episcopo vel presbytero aliquos baptizaverit, episcopus eos per benedictionem perficere debebit: quod si ante de saeculo recesserint, sub fide qua quis credidit poterit esse iustus.

An English translation is here on the subscription version of the site.

 

------------------------------------------------------

 

 Canon 78 

    

LXXVIII. De fidelibus coniugatis si cum Iudaea vel Gentili moechatae fuerint.

 

Si quis fidelis habens uxorem cum Iudaea vel gentili fuerit moechatus, a communione arceatur: quod si alius eum detexerit, post quinquennium acta legitima poenitentia poterit dominicae sociari communioni.

An English translation is here on the subscription version of the site.

 

------------------------------------------------------

 

 Canon 79 

    

LXXIX. De his qui tabulam ludunt.

 

Si quis fidelis aleam, id est tabulam, luserit nummis, placuit eum abstineri; et si emendatus cessaverit, post annum poterit communioni reconciliari.

 

 

------------------------------------------------------

 

 Canon 80 

     

LXXX. De libertis.

 

Prohibendum ut liberti, quorum patroni in saeculo fuerint, ad clerum non promoveantur.

 

 

 

------------------------------------------------------

 

 Canon 81

     

LXXXI. De feminarum epistolis.

 

Ne feminae suo potius absque maritorum nominibus laicis scribere audeant, quae fideles sunt, vel litteras alicuius pacificas ad suum solum nomen scriptas accipiant.

An English translation is here on the subscription version of the site.

                                       « Previous part of text - Canons 41-60