CANONS OF THE COUNCIL OF ELVIRA (first decade of 4th century) - Page 2 of 4

Subscription Version of Text
With translation,
more background info & notes

Info about Subscription Site

$5 for trial, $30 a year for individuals ($15 students).

Printable Version of Text
plus translation and notes

("Creeds and Councils" Section)

The Latin text is that found in A.W.W. Dale, The Synod of Elvira and Christian Life in the Fourth Century (Macmillan, 1882).

An English translation of this text, placed alongside the Latin text, can be found on the subscription version of the site.

Click here for information about: 1) the public domain texts used on this site;  2) more recent scholarly work on the original language texts.

 

(Click on Latin words to link to the Perseus Morphology.  If there are problems with the Perseus website click here for a version of the page with a locally based morphology* and lexicon.)


                                       
« Previous part of text - Canons 1-20 - Next part of text - Canons 41-60 »

 Canon 21 

      

XXI. De his qui tardius ad ecclesiam accedunt.

 

Si quis in civitate positus tres dominicas ad ecclesiam non accesserit, pauco tempore abstineatur, ut correptus esse videatur.

An English translation is here on the subscription version of the site.

                                                  

------------------------------------------------------

 

 Canon 22

     

XXII. De catholicis in haeresem transeuntibus, si revertantur.

 

Si quis de catholica ecclesia ad haeresem transitum fecerit rursusque recurrerit, placuit huic poenitentiam non esse denegandam eo quod cognoverit peccatum suum; qui etiam decem annis agat poenitentiam, cui post decem annos praestari communio debet; si vero infantes fuerint transducti, quod non suo vitio peccaverint incunctanter recipi debent.

 

 

------------------------------------------------------

 

 Canon 23 

      

XXIII. De temporibus ieiuniorum.

 

Ieiunii superpositiones per singulos menses placuit celebrari, exceptis diebus duorum mensium Iulii et Augusti propter quorumdam infirmitatem.

 

 

------------------------------------------------------

 

 Canon 24 

       

XXIV. De his qui in peregre baptizantur, ut ad clerum non veniant.

 

Omnis qui in peregre fuerint baptizati, eo quod eorum minime sit cognita vita, placuit ad clerum non esse promovendos in alienis provinciis.

An English translation is here on the subscription version of the site.

 

------------------------------------------------------

 

 Canon 25 

    

XXV. De epistolis communicatoriis confessorum.

 

Omnis qui attulerit litteras confessorias sublato nomine confessoris, eo quod omnes sub hac nominis gloria passim concutiant simplices, communicatoriae ei dandae sunt litterae.

 

 

------------------------------------------------------

 

 Canon 26 

     

XXVI. Ut omni sabbato ieiunetur.

 

Errorem placuit corrigi ut omni sabbati die superpositiones celebremus.

 

 

------------------------------------------------------

 

 Canon 27 

  

XXVII. De clericis, ut extraneas feminas in domo non habeant.

 

Episcopus vel quilibet alius clericus aut sororem aut filiam virginem dicatam Deo tantum secum habeat: extraneam nequaquam habere placuit.

 

 

------------------------------------------------------

 

 Canon 28 

     

XXVIII. De oblationibus eorum qui non communicant.

 

Episcopum placuit ab eo, qui non communicat, munus accipere non debere.

An English translation is here on the subscription version of the site.

 

------------------------------------------------------

 

 Canon 29 

    

XXIX. De energumenis qualiter habeantur in ecclesia.

 

Energumenus qui ab erratico spiritu exagitatur, huius nomen neque ad altare cum oblatione esse recitandum, nec permittendum ut sua manu in ecclesia ministret.

 

 

------------------------------------------------------

 

 Canon 30

     

XXX. De his qui post lavacrum moechati sunt, ne subdiacones fiant.

 

Subdiaconos eos ordinari non debere qui in adolescentia sua fuerint moechati, eo quod postmodum per subreptionem ad altiorem gradum promoveantur: vel si qui sunt in praeteritum ordinati, amoveantur.

 

 

------------------------------------------------------

 

 Canon 31 

       

XXXI. De adolescentibus qui post lavacrum moechati sunt.

 

Adolescentes qui post fidem lavacri salutaris fuerint moechati, quum duxerint uxores, acta legitima poenitentia placuit ad communionem eos admitti.

An English translation is here on the subscription version of the site.

                                                  

------------------------------------------------------

 

 Canon 32

      

XXXII. De excommunicatis presbyteris, ut in necessitate communionem dent.

 

Apud presbyterum, si quis gravi lapsu in ruinam mortis inciderit, placuit agere poenitentiam non debere, sed potius apud episcopum: cogente tamen infirmitate necesse est presbyterem communionem praestare debere, et diaconum si ei iusserit sacerdos.

 

 

------------------------------------------------------

 

 Canon 33 

      

XXXIII. De episcopis et ministris, ut ab uxoribus abstineant.

 

Placuit in totum prohibere episcopis, presbyteris et diaconibus vel omnibus clericis positis in ministerio abstinere se a coniugibus suis, et non generare filios: quicumque vero fecerit, ab honore clericatus exterminetur.

 

 

------------------------------------------------------

 

 Canon 34 

        

XXXIV. Ne cerei in coemeteriis incendantur.

 

Cereos per diem placuit in coemeterio non incendi, inquietandi enim sanctorum spiritus non sunt. Qui haec non observaverint arceantur ab ecclesiae communione.

An English translation is here on the subscription version of the site.

 

------------------------------------------------------

 

 Canon 35 

     

XXXV. Ne feminae in coemeteriis pervigilent.

 

Placuit prohiberi ne feminae in coemeterio pervigilent, eo quod saepe sub obtentu orationis latenter scelera committunt.

 

 

------------------------------------------------------

 

 Canon 36 

      

XXXVI. Ne picturae in ecclesia fiant.

 

Placuit picturas in ecclesia esse non debere, ne quod colitur et adoratur in parietibus depingatur.

 

 

------------------------------------------------------

 

 Canon 37 

      

XXXVII. De energumenis non baptizatis.

 

Eos qui ab immundis spiritibus vexantur, si in fine mortis fuerint constituti, baptizari placet; si fideles fuerint, dandam esse communionem. [Prohibendum etiam ne lucernas hi publice accendant; si facere contra interdictum voluerint, abstineantur a communione.]

 

 

------------------------------------------------------

 

 Canon 38 

      

XXXVIII. Ut in necessitate et fideles baptizent.

 

Loco peregre navigantes, aut si ecclesia proximo non fuerit, posse fidelem, qui lavacrum suum integrum habet nec sit bigamus, baptizare in necessitate infirmitatis positum catechumenum, ita ut si supervixerit ad episcopum eum perducat, ut per manus impositionem perfici possit.

An English translation is here on the subscription version of the site.

 

------------------------------------------------------

 

 Canon 39 

      

XXXIX. De Gentilibus si in discrimine baptizari expetunt.

Gentiles si in infirmitate desideraverint sibi manus imponi, si fuerit eorum ex aliqua parte honesta vita, placuit eis manum imponi et fieri Christianos.

 

 

------------------------------------------------------

 

 Canon 40

      

XL. Ne id quod idolothytum est fideles accipiant.

 

Prohiberi placuit, ut quum rationes suas accipiunt possessores, quidquid ad idolum datum fuerit accepto non ferant: si post interdictum fecerint, per quinquennii spatia temporum a communione esse arcendos.

An English translation is here on the subscription version of the site.

                                       « Previous part of text - Canons 1-20 - Next part of text - Canons 41-60 »